പി പി ചെറിയാൻ
മിഷിഗണിലെ ലാൻസിംഗിലെ ഷോപ്പിംഗ് സെന്റർ പാർക്കിംഗ് സ്ഥലത്ത് ഞായറാഴ്ച പുലർച്ചെ നടന്ന വെടിവയ്പിൽ അഞ്ച് പേർക്ക് വെടിയേറ്റു. രണ്ട് പേരുടെ നില ഗുരുതരമാണ്.
പുലർച്ചെ ഒരു മണിയോടെയാണ് വെടിവയ്പ്പ് നടന്നത്. വെടിയേറ്റവരുടെ പ്രായം 16 മുതൽ 26 വരെയാണ് . രണ്ട് പേരെ ആശുപത്രിയിൽ പ്രവേശിപ്പിച്ചു.
പ്രതികളെ കണ്ടെത്താൻ ഉദ്യോഗസ്ഥർ സ്ഥലത്തെത്തുകയും അവർ മറ്റ് ഏജൻസികളോട് സഹായം അഭ്യർത്ഥിക്കുകയും ചെയ്തതായി പൊലിസിന്റെ വാർത്താക്കുറിപ്പിൽ പറയുന്നു.
ഉദ്യോഗസ്ഥർ ചിലരെ കസ്റ്റഡിയിലെടുത്ത് തോക്കുകൾ കണ്ടെടുത്തുവെങ്കിലും ആരെയും അറസ്റ്റ് ചെയ്തിട്ടില്ല. ഗൺ വയലൻസ് ആർക്കൈവ് പ്രകാരം, യുഎസിൽ ഈ വർഷം ഇതുവരെ നടന്ന 418 കൂട്ട വെടിവയ്പ്പുകളിൽ ഒന്നാണ് ഈ സംഭവം.
