പി പി ചെറിയാൻ
വാഷിങ്ടൻ : യുഎസ് സെനറ്റിലെ റിപ്പബ്ലിക്കൻ കക്ഷിനേതാവായി സൗത്ത് ഡക്കോട്ടയിൽനിന്നുള്ള സെനറ്റർ ജോൺ തൂൻ തിരഞ്ഞെടുക്കപ്പെട്ടു. മിച്ച് മക്കോണലിന്റെ പിൻഗാമിയായാണ് ജോൺ തൂൻ തിരഞ്ഞെടുക്കപ്പെട്ടത്. ബുധനാഴ്ചയായിരുന്നു വോട്ടെടുപ്പ് നടന്നത്.
മത്സരരംഗത്തുണ്ടായിരുന്ന റിക്ക് സ്കോട്ട് രഹസ്യവോട്ടെടുപ്പിന്റെ ഒന്നാം റൗണ്ടിൽത്തന്നെ പുറത്തായി. ടെക്സസ് സെനറ്റർ ജോൺ കോർണിനെയും ജോൺ തൂൻ പരാജയപ്പെടുത്തി. നൂറംഗ സെനറ്റിൽ 52 സീറ്റുമായി റിപ്പബ്ലിക്കൻ പാർട്ടിക്കാണു ഭൂരിപക്ഷം.
