പി പി ചെറിയാൻ
വാഷിങ്ടൻ ഡി സി : പ്രസിഡന്റ് ഡോണൾഡ് ട്രംപ് പ്രഖ്യാപിച്ച നികുതി, കുടിയേറ്റ പാക്കേജിനെതിരായ ആക്രമണങ്ങൾ ശക്തമാക്കി ശതകോടീശ്വരൻ ഇലോൺ മസ്ക്. പാക്കേജിനെ പരസ്യമായി വിമർശിച്ച് മസ്ക് ബില്ലിനെ എതിർക്കാൻ അഭ്യർഥിച്ചു.
കഴിഞ്ഞയാഴ്ച ഹൗസ് നേരിയ ഭൂരിപക്ഷത്തിന് പാസാക്കിയ ഈ ബിൽ ഇപ്പോൾ സെനറ്റിന്റെ പരിഗണനയിലാണ്. ചെലവ് ചുരുക്കൽ നടപടികളുടെ ഭാഗമായി അടുത്തിടെ യുഎസ് ഡോജ് സർവീസിന്റെ മേൽനോട്ടം അവസാനിപ്പിച്ചതിന് പിന്നാലെയാണ് മസ്കിന്റെ ഈ പ്രതികരണം.
