വാഷിംഗ്ടൺ ഡിസി: അമേരിക്കയുടെ ഇന്ത്യയിലെ അംബാസഡറായി നിയമിക്കപ്പെട്ട എറിക് ഗാർസെറ്റി സത്യപ്രതിജ്ഞ ചെയ്തു. വെള്ളിയാഴ്ച വൈസ് പ്രസിഡന്‍റ് കമലാ ഹാരീസിനു മുന്പാകെ ഹീബ്രു ബൈബിളിൽ തൊട്ടായിരുന്നു സത്യപ്രതിജ്ഞ. ബന്ധുക്കളും സുഹൃത്തുക്കളും പങ്കെടുത്തു.
രണ്ടു വർഷത്തിനുശേഷമാണ് അമേരിക്കയ്ക്ക് ഇന്ത്യയിൽ സ്ഥാപതിയുണ്ടാകുന്നത്. ലോസ് ആഞ്ചലസ് നഗരത്തിലെ മുൻ മേയർകൂടിയായ ഗാർസെറ്റിയെ പ്രസിഡന്‍റ് ബൈഡൻ രണ്ടു വർഷം മുന്പ് നാമനിർദേശം ചെയ്തതാണെങ്കിലും കുറച്ചുനാൾ മുന്പാണ് യുഎസ് സെനറ്റ് അത് അംഗീകരിച്ചത്. ബൈഡന്‍റെ വിശ്വസ്തനായാണ് ഗാർസെറ്റി അറിയപ്പെടുന്നത്.
