പി പി ചെറിയാൻ
ഷാർലറ്റ് : തിങ്കളാഴ്ച ഉച്ചയ്ക്ക് നോർത്ത് കാരോലൈനയിലെ ഷാർലറ്റിൽ ഡ്യൂട്ടിക്കിടെ കൊല്ലപ്പെട്ട പൊലീസ് ഓഫിസർമാരുടെ പേരുകൾ പുറത്തുവിട്ടു. ഡപ്യൂട്ടി യുഎസ് മാർഷൽ തോമസ് എം, ജോഷ്വ ഐയർ, സാം പോളോച്ചെ, വില്യം എലിയട്ട് എന്നിവരാണ് കൊല്ലപ്പെട്ടത്.
കുറ്റവാളി തോക്ക് കൈവശം വച്ചതിന് യുഎസ് മാർഷൽസ് ടാസ്‌ക് ഫോഴ്‌സ് വാറണ്ട് നൽകാൻ ശ്രമിച്ചതോടെയാണ് വെടിവയ്പ്പ് ആരംഭിച്ചത്. തിങ്കളാഴ്ച വൈകുന്നേരം നടന്ന പത്രസമ്മേളനത്തിൽ, വാറണ്ട് ലഭിച്ചയാളാണ് ആദ്യം വെടിയുതിർത്തതെന്ന് അധികൃതർ പറഞ്ഞു. പ്രതി വെടിവെപ്പിൽ കൊല്ലപ്പെട്ടതായി പൊലീസ് പറഞ്ഞു.
