അറ്റകുറ്റപ്പണി : ഹുസൈൻ ബിൻ അലി അൽ റൂമി റോഡ് ഒരുമാസത്തേയ്ക്ക് അടച്ചിടും

കുവൈത്ത് സിറ്റി: കുവൈത്തിൽ ഇന്ന് മുതൽ ഒരു മാസത്തേക്ക് ഹുസൈൻ ബിൻ അലി അൽ റൂമി റോഡിന്റെ (ഫോർത്ത് റിങ്ങ് റോഡ്) റൗദയ്ക്കും സുറയ്ക്കും ഇടയിലുള്ള ഭാഗം ഷുവൈഖിന്റെ ദിശയിലേക്ക് അടച്ചിടും. ജനറൽ ട്രാഫിക് ഡിപ്പാർട്ട്‌മെന്റാണ് ഇക്കാര്യം അറിയിച്ചത്. മൊറോക്കോ റോഡ് 40 ഇന്റർസെക്ഷൻ പാലം മുതൽ ഡമാസ്‌കസ് സ്ട്രീറ്റ് ഇന്റർസെക്ഷൻ പാലം വരെയാണ് ഒരു മാസത്തേക്ക് അറ്റകുറ്റപ്പണികൾക്കായി അടച്ചിടുക.