മദ്യലഹരിയിൽ യുവാവ് പുഴയിലേക്ക് കാർ ഓടിച്ചിറക്കി

കോട്ടയം: കോട്ടയം തലയോലപ്പറമ്പിന് സമീപം മദ്യലഹരിയിൽ യുവാവ് പുഴയിലേക്ക് കാർ ഓടിച്ചിറക്കി. മറവൻതുരുത്ത് ആറ്റുവേലക്കടവിൽ ഇന്ന് ഉച്ചയ്ക്ക് ഒരു മണിയോടെയാണ് സംഭവം. വടയാർ മുട്ടുങ്കൽ സ്വദേശിയായ യുവാവാണ് മദ്യലഹരിയിൽ കാർ പുഴയിലേക്ക് ഓടിച്ചിറക്കിയത്.
തമിഴ്‌നാട്ടിൽ സ്‌ഫോടനത്തിൽ മലയാളി കൊല്ലപ്പെട്ടു; മൃതദേഹം അഴുകിയ നിലയിൽ
കടവിലെ കടത്തുകാരൻ കാറിന്റെ ഡോർ തുറന്ന് യുവാവിനെ രക്ഷിച്ചതിനാൽ ആളപായമുണ്ടായില്ല. സംഭവം അറിഞ്ഞ് പ്രദേശവാസികൾ ഇവിടേയ്ക്ക് എത്തി. ഇവർ വിവരമറിയിച്ചതിനെ തുടർന്ന് തലയോലപ്പറമ്പ് പൊലീസ് സ്ഥലത്തെത്തി യുവാവിനെ കസ്റ്റഡിയിൽ എടുത്തു.