പി.പി ചെറിയാൻ
ഡാളസ് : മെസ്കിറ്റിലെ ടൗൺ ഈസ്റ്റ് മാളിന് സമീപമുണ്ടായ പോലീസ് വെടിവെപ്പിൽ കൊലക്കേസ് പ്രതി കൊല്ലപ്പെട്ടു. ശനിയാഴ്ച ഉച്ചയോടെയാണ് സംഭവം.
ശനിയാഴ്ച രാവിലെ 10:15-ഓടെ ഡള്ളസിലെ മാർക്ക് വില്ലെ ഡ്രൈവിൽ ഒരു സ്ത്രീ വെടിയേറ്റ് മരിച്ചിരുന്നു. ഈ കേസിലെ പ്രതിയെ തിരയുകയായിരുന്നു പോലീസ്.
പ്രതി ടൗൺ ഈസ്റ്റ് മാളിന് സമീപമുള്ള എൽ.ബി.ജെ ഫ്രീവേയിൽ ഉണ്ടെന്ന വിവരത്തെത്തുടർന്ന് ഡള്ളസ് പോലീസ് നിരീക്ഷണം ശക്തമാക്കി.
ഉച്ചയ്ക്ക് 11:45-ഓടെ പ്രതിയുടെ വാഹനം തടയാൻ പോലീസ് ശ്രമിച്ചു. ഈ സമയം ആയുധവുമായി പുറത്തിറങ്ങിയ പ്രതിക്ക് നേരെ പോലീസ് വെടിയുതിർക്കുകയായിരുന്നു.
വെടിയേറ്റ പ്രതി സംഭവസ്ഥലത്ത് തന്നെ മരിച്ചു. പോലീസുകാർക്ക് പരിക്കുകളൊന്നുമില്ല.
തിരക്കേറിയ മാളിന് സമീപം വെടിവെപ്പ് നടന്നത് പ്രദേശവാസികളെയും ഷോപ്പിംഗിന് എത്തിയവരെയും പരിഭ്രാന്തിയിലാഴ്ത്തി.
