ദോഹ : ഈ മാസം അവസാനത്തോടെ കേരളത്തിൽ നിന്ന് ദോഹയിലേക്ക് എയർ ഇന്ത്യ എക്‌സ്പ്രസ് 2 അധിക സർവീസുകൾ പ്രഖ്യാപിച്ചു. നിലവിലെ സർവീസുകൾക്ക് പുറമെയാണിത്. മധ്യ വേനൽ അവധി കഴിഞ്ഞ് പ്രവാസി കുടുംബങ്ങൾ കൂടുതലായി മടങ്ങുന്ന സാഹചര്യത്തിലാണിത്.
27ന് രാവിലെ 9.30ന് കോഴിക്കോട്ട് നിന്ന് ദോഹയിലേക്കും ഉച്ചയ്ക്ക് 12.10ന് ദോഹയിൽ നിന്ന് കോഴിക്കോട്ടേക്കുമാണ് ഒരു സർവീസ്. രണ്ടാമത്തെ സർവീസ് 29ന് രാവിലെ 8.15ന് കൊച്ചിയിൽ നിന്നും ദോഹയിലേക്കും രാവിലെ 11.20ന് ദോഹയിൽ നിന്ന് കൊച്ചിയിലേക്കുമാണ്
