സുല്ത്താന്ബത്തേരി: വയനാട്ടിൽ യുഡിഎഫ്-എല്ഡിഎഫ് മുന്നണികള് പ്രഖ്യാപിച്ച ഹര്ത്താല് തുടങ്ങി.രാവിലെ ആറു മുതല് വൈകിട്ട് ആറു വരെയാണ് ഹര്ത്താല്. അവശ്യ സർവീസുകളെ ഹർത്താലില് നിന്ന് ഒഴിവാക്കിയിട്ടുണ്ട്.
മുണ്ടക്കൈ – ചൂരല്മല ഉരുള്പൊട്ടല് ദേശീയ ദുരന്തമായി പ്രഖ്യാപിക്കാത്തതിലും ദുരന്തബാധിതരുടെ പുനരധിവാസം വൈകുന്നതിലും പ്രതിഷേധിച്ചാണ് കേന്ദ്ര -സംസ്ഥാന സർക്കാരുകൾക്കെതിരെ യുഡിഎഫ് ഹർത്താൽ പ്രഖ്യാപിച്ചത്.
സംസ്ഥാനത്തിന് പ്രത്യേക സാമ്പത്തിക സഹായം അനുവദിക്കാത്തതിലും ഉരുള്പ്പൊട്ടല് ദേശീയ ദുരന്തമായി പ്രഖ്യാപിക്കാത്തതിലും പ്രതിഷേധിച്ചാണ് എല്ഡിഎഫ് ഹര്ത്താല്. വിവിധ രാഷ്ട്രീയ പാര്ട്ടികളും സംഘടനകളും ഹര്ത്താലിന് പിന്തുണ പ്രഖ്യാപിച്ചിട്ടുണ്ട്. ഹര്ത്താലിനോടനുബന്ധിച്ച് കേന്ദ്രസര്ക്കാര് ഓഫിസുകള്ക്ക് മുന്നില് യുഡിഎഫ് ധര്ണ നടത്തും.
