പത്തനംതിട്ട: കാര്‍ഷിക ഗ്രാമ വികസന ബാങ്ക് തിരഞ്ഞെടുപ്പില്‍ ഭരണം പിടിച്ചെടുത്ത് എല്‍ഡിഎഫ്. എല്‍ഡിഎഫ് പാനലിലെ 13പേരും വിജയിച്ചു. കഴിഞ്ഞ 25 വര്‍ഷമായി യുഡിഎഫ് ഭരിച്ചിരുന്ന ബാങ്കാണ് എല്‍ഡിഎഫ് പിടിച്ചെടുത്തത്. ആയിരത്തോളം വോട്ടിന്റെ ഭൂരിപക്ഷം നേടിയാണ് വിജയം.
ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ അനില്‍കുമാര്‍ ബാങ്ക് പ്രസിഡന്റായേക്കും. തിരഞ്ഞെടുപ്പിനിടെ മുന്‍ എംഎല്‍എ കെ സി രാജഗോപാലിന് മര്‍ദ്ദനമേറ്റിരുന്നു. മര്‍ദ്ദനമേറ്റ കെ സി രാജഗോപാലിനെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു. തിരഞ്ഞെടുപ്പിനിടെ യുഡിഎഫ്-എല്‍ഡിഎഫ് പ്രവര്‍ത്തകര്‍ തമ്മില്‍ തര്‍ക്കം നടന്നിരുന്നു.
സിപിഐഎം വ്യാപകമായി കള്ളവോട്ട് ചെയ്‌തെന്ന് യുഡിഎഫ് ആരോപിച്ചു. യുഡിഎഫ് പ്രവര്‍ത്തകര്‍ വ്യാപകമായി കള്ളനോട്ട് ചെയ്തതായി എല്‍ഡിഎഫും ആരോപിച്ചു.
