ദുബായ് : ദുബായിൽനിന്ന് ബെയ്റൂട്ട്, ബഗ്ദാദ് എന്നിവിടങ്ങളിലേക്കും തിരിച്ചുമുള്ള വിമാന സർവീസ് ജനുവരി 15 വരെ റദ്ദാക്കിയതായി എമിറേറ്റ്സ് എയർലൈൻ അറിയിച്ചു. ദുബായ് വഴി ബെയ്റൂട്ട്, ബഗ്ദാദ് എന്നിവിടങ്ങളിലേക്കുള്ള ട്രാൻസിറ്റ് യാത്രക്കാരെയും ഇനിയൊരു അറിയിപ്പുണ്ടാകുന്നതുവരെ സ്വീകരിക്കില്ല.
ഇതേസമയം ഫ്ലൈ ദുബായുടെ ബാഗ്ദാദ് സർവീസ് തുടരുമെന്ന് അധികൃതർ വ്യക്തമാക്കി. വിവരങ്ങൾക്ക് എയർലൈനുമായോ ട്രാവൽ ഏജൻസിയുമായോ ബന്ധപ്പെടാവുന്നതാണ്. വെബ്സൈറ്റ് വഴിയും ബുക്ക് ചെയ്യാം.
