ദുബായ് ഷോപ്പിങ് ഫെസ്റ്റിവലിന് തുടക്കമായി

ദുബായ് : ആഗോള സന്ദർശകർക്ക് കോടികളുടെ സമ്മാനങ്ങളുമായി ദുബായ് ഷോപ്പിങ് ഫെസ്റ്റിവലിന് (ഡിഎസ്എഫ്) തുടക്കമായി. ദുബായുടെ ചരിത്രം പറയുന്ന ഡ്രോൺ ഷോയായിരുന്നു ഉദ്ഘാടന ദിനത്തിലെ മുഖ്യ ആകർഷണം. വിവിധ രാജ്യങ്ങളിൽനിന്നുള്ളവർ അണിനിരക്കുന്ന കാർണിവൽ, സാഹസിക വിനോദങ്ങൾ, സംഗീത വിരുന്ന്, കാർട്ടൂൺ മേള, ഭക്ഷ്യമേള തുടങ്ങിയവയും ഒരുക്കിയിട്ടുണ്ട്. 
ലോകോത്തര ബ്രാൻഡിലുള്ള ഉൽപന്നങ്ങൾ 75% വരെ വിലക്കുറവിൽ ലഭിക്കുന്ന ആദായ വിൽപനയും ഭാഗ്യ നറുക്കെടുപ്പുകളുമാണ് ഡിഎസ്എഫിന്റെ പ്രധാന ആകർഷണം.