തിരുവനന്തപുരം: 62-ാമത് സംസ്ഥാന സ്കൂൾ കലോത്സവത്തിന് കൊല്ലം വേദിയാകും. 2024 ജനുവരിയിലാകും കലോത്സവംനടക്കുക. ഇതിന് മുൻപ് 2009ലാണ് കൊല്ലം സംസ്ഥാന സ്കൂൾ കലോത്സവത്തിന് ആതിഥേയത്വം വഹിച്ചത്.
സംസ്ഥാന സ്കൂൾ കായികമേള കുന്നംകുളത്ത് വെച്ച് നടത്താനും ധാരണയായി. ഒക്ടോബറിലായിരിക്കും സ്കൂൾ ഗെയിംസ്. സംസ്ഥാന സ്കൂൾ ശാസ്ത്രമേള ഡിസംബറിൽ തിരുവനന്തപുരത്തും സ്പെഷ്യൽ സ്കൂൾ മേള നവംബറിൽ എറണാകുളത്ത് നടത്താനും പൊതു വിദ്യാഭ്യസ വകുപ്പ് തീരുമാനിച്ചു. 61-ാമത് സ്കൂള്‍ കലോത്സവത്തിന് കോഴിക്കോടായിരുന്നു വേദിയൊരുങ്ങിയത്.
