കുവൈത്ത് സിറ്റി: കുവൈത്തിന്റെ നഗരാസൂത്രണ രംഗത്ത് നിർണായകമായ മാറ്റങ്ങൾക്ക് തുടക്കമിട്ട്, രാജ്യത്തെ 591 തെരുവുകൾക്ക് ഇനി നമ്പറുകൾ പേരായി നൽകും. 2025 മെയ് 20ന് പുറത്തിറക്കിയ മന്ത്രിസഭാ പ്രമേയത്തെ തുടർന്നാണ് ഈ സുപ്രധാന തീരുമാനം. ജൂൺ 23ന് മുനിസിപ്പാലിറ്റി ആക്ടിംഗ് ഡയറക്ടർ ജനറൽ മനാൽ അൽ-അസ്ഫൂറിന്റെ അധ്യക്ഷതയിൽ ചേർന്ന സ്ട്രീറ്റ് നെയിമിംഗ് കമ്മിറ്റി യോഗം ഇതിന് അംഗീകാരം നൽകി.
നമ്പറുകൾക്ക് പുറമെ, മൂന്ന് തെരുവുകൾക്ക് അറബ് നഗരങ്ങളുടെയോ തലസ്ഥാനങ്ങളുടെയോ പേരുകൾ നൽകാനും യോഗം തീരുമാനിച്ചിട്ടുണ്ട്. റോഡുകൾക്കും തെരുവുകൾക്കും പൊതുസ്ഥലങ്ങൾക്കും വ്യക്തികളുടെ പേരുകൾ ഉപയോഗിക്കുന്നത് കുറയ്ക്കാനുള്ള മന്ത്രിസഭയുടെ നിർദ്ദേശത്തെ തുടർന്നാണ് ഈ നീക്കം.
