പത്തനംതിട്ട: സംസ്ഥാനത്ത് വീണ്ടും കാട്ടാന ആക്രമണം. പത്തനംതിട്ട മൂഴിയാറിലാണ് ഞായറാഴ്ച വൈകിട്ട് കാട്ടാന ആക്രമണം നടന്നത്. കാടിനുള്ളിൽ നിന്ന് തേൻ ശേഖരിച്ച ശേഷം തിരികെ വരികയായിരുന്ന വനവാസി കുടുംബത്തിന് നേരെയാണ് കാട്ടാന അക്രമണമുണ്ടായത്.
മൂഴിയാര് സ്വദേശി സജിത്തിനും കുടുംബത്തിനും നേരെയാണ് കാട്ടാനയുടെ ആക്രമണമുണ്ടായത്. സജിത്തും കുടുംബവും സഞ്ചരിച്ച ഇരുചക്രവാഹനത്തിന് നേരെയായിരുന്നു ആക്രമണം. അക്രമത്തിൽ കുടുംബാംഗങ്ങളായ സജിത്ത്, മാതാവ് അനിത, പിതാവ് സുകുമാരൻ എന്നിവർക്ക് പരിക്കേറ്റു.ഒറ്റക്കൊമ്പനാണ് കുടുംബത്തെ ആക്രമിച്ചത്.
