കേ​ര​ളം മാ​റ​ണം; യു​വ​സ​മൂ​ഹം ആ​ഗ്ര​ഹി​ക്കു​ന്ന​തും അ​തെ​ന്ന് ശ​ശി ത​രൂ​ർ

മാരാമൺ: കേരളം ഇന്നത്തെ അവസ്ഥയിൽനിന്ന് ഏറെ മാറിയെങ്കിൽ മാത്രമേ യുവതലമുറ ഇവിടെ നിലനിൽക്കൂവെന്ന് ശശി തരൂർ എംപി. മാരാമൺ കൺവൻഷനിൽ യുവവേദി യോഗത്തിൽ മുഖ്യസന്ദേശം നൽകുകയായിരുന്നു അദ്ദേഹം.

കേരളത്തിൽ തന്നെ ഇപ്പോൾ യുവാക്കളുടെ എണ്ണം ദേശീയ ശരാശരിയേക്കൾ വളരെക്കുറവാണ്. കേരളത്തിൽ നിന്നും 2016 മുതൽ രാജ്യം വിടുന്ന യുവാക്കളുടെയും വിദ്യാർഥികളുടെയും എണ്ണം കൂടിവരികയാണ്. ശരാശരി അരലക്ഷം ആളുകൾ ഓരോവർഷവും രാജ്യത്തിനു പുറത്തേക്ക് വിദ്യാഭ്യാസ ആവശ്യത്തിനും തൊഴിൽതേടിയും പോകുന്നുവെന്നതാണ് കണക്ക്. ഇത് നമ്മുടെ സംസ്ഥാനത്തെ ഏറെ ക്ഷീണിപ്പിക്കുന്നുവെന്ന് ശശി തരൂർ പറഞ്ഞു.

ഇ​ത്ത​ര​ത്തി​ലു​ള്ള ഒ​ഴു​ക്കി​നു പ്ര​ധാ​ന കാ​ര​ണം കേ​ര​ള​ത്തി​ലെ തൊ​ഴി​ലി​ല്ലാ​യ്മ​യാ​ണ്. സാ​ങ്കേ​തി​ക മി​ക​വു​ള്ള​വ​രും പ്ര​ഫ​ഷ​ണ​ൽ ബി​രു​ദ​മു​ള്ള​വ​രും അ​ട​ക്ക​മു​ള്ള നി​ര​വ​ധി യു​വാ​ക്ക​ളാ​ണ് ഓ​രോ​വ​ർ​ഷ​വും കേ​ര​ള​ത്തി​ലെ എം​പ്ലോ​യ്മെ​ന്‍റ് എ​ക്സ്ചേ​ഞ്ചു​ക​ളി​ൽ തൊ​ഴി​ൽ ര​ഹി​ത​രാ​യി ര​ജി​സ്റ്റ​ർ ചെ​യ്യു​ന്ന​ത്. ഇ​വി​ടെ അ​വ​സ​ര​ങ്ങ​ൾ കു​റ​യു​ന്ന​തോ​ടെ മി​ക​വും ബു​ദ്ധി​ശേ​ഷി​യു​മു​ള്ള ന​മ്മു​ടെ കു​ട്ടി​ക​ൾ നാ​ടു​വി​ടു​ക​യാ​ണെ​ന്ന് ശ​ശി ത​രൂ​ർ ചൂ​ണ്ടി​ക്കാ​ട്ടി.