ആലപ്പുഴ: അതിതീവ്ര മഴയിൽ ചെങ്ങന്നൂർ റെയിൽവേ സ്റ്റേഷനിലെ വെള്ളക്കെട്ട് രൂക്ഷമായി. കഴിഞ്ഞദിനം പെയ്ത കനത്ത മഴയിലാണ് റെയിൽവേ സ്റ്റേഷന്റെ മുൻഭാഗം വെള്ളക്കെട്ടായി മാറിയത്.
യാത്രക്കാർക്ക് വാഹനങ്ങളിലും നടന്നും സ്റ്റേഷനിലേക്ക് കയറാൻ പറ്റാത്ത സ്ഥിതിയാണിപ്പോൾ. വെള്ളം ഒഴുകിപ്പോകാനുള്ള ഓട അടഞ്ഞതാണ് വെള്ളക്കെട്ടിന് കാരണം.
അതേസമയം ചെങ്ങന്നൂർ താലൂക്കിലെ പ്രാവിൻകൂട് ഇരമല്ലിക്കര റോഡിൽ വെള്ളം കയറി. മണിമലയാറ്റിൽ വെള്ളം ഉയർന്നതിനെ തുടർന്നാണ് എരമല്ലിക്കരനാട് പ്രദേശങ്ങളിൽ വെള്ളം കയറിയത്. ഇത് റോഡിലൂടെ വാഹനങ്ങൾ പോകുന്നതിന് ഏറെ ബുദ്ധിമുട്ടായി മാറി.
മാത്രമല്ല പ്രധാന റോഡിൽ നിന്നും ഇടറോഡുകളിലേക്കും വെള്ളത്തിന്റെ ശക്തമായ ഒഴുക്കുണ്ട്. ഇന്നു രാവിലെയും വെള്ളം ഉയർന്നു. ചെറിയ വാഹനങ്ങൾക്കും പോകാൻ കഴിയാത്ത സ്ഥിതിയിലാണ്.
