യു.എ.ഇ പ്രസിഡൻറ് ശൈഖ് മുഹമ്മദ് ബിൻ സായിദ് ആൽ നഹ് യാന് അഹ്മദാബാദിൽ ഹൃദ്യമായ സ്വീകരണം. അസർബൈജാൻ സന്ദർശനം പൂർത്തീകരിച്ചു മടങ്ങും വഴിയാണ് ശൈഖ് മുഹമ്മദ് അഹ്മദാബാദിൽ ഇറങ്ങിയത്. വൈബ്രൻഡ് ഗുജറാത്ത് ഉച്ചകോടിയിൽ പങ്കെടുക്കാനാണ് സന്ദർശനം.
അഹ്മദാബാദ് വിമാനത്താവളത്തിൽ യുഎ.ഇ പ്രസിഡൻറിനെ പ്രധാനമന്ത്രി നരേന്ദ്ര മോദി നേരിൽ സ്വീകരിക്കാനെത്തി. തന്റെ പ്രിയ സഹോദരനാണ് ശൈഖ് മുഹമ്മദെന്ന് മോദി പറഞ്ഞു. തുടർന്ന് വാഹനത്തിൽ ഇരുവരും അഹ്മദാബാദ് നഗരത്തിലൂടെ ജനങ്ങളെ അഭിവാദ്യം ചെയ്ത് വൈബ്രൻഡ് ഗുജറാത്ത് ഉച്ചകോടി വേദിയിലേക്ക് നീങ്ങി.
