ഇടുക്കി: ഇടുക്കിയിൽ വോട്ടെണ്ണി തുടങ്ങിയതു മുതൽ സിറ്റിങ് എംപിയും യുഡിഎഫ് സ്ഥാനാർഥിയുമായ ഡീൻ കുര്യാക്കോസിന് വമ്പൻ ലീഡ്. വോട്ടെണ്ണലിന്റെ തുടക്കം മുതൽ ലീഡ് നില പടിപടിയായി ഉയർത്തിയ ഡീനിന്റെ നിലവിലെ ലീഡ് 32,000 കടന്നു. പോസ്റ്റൽ വോട്ടുകൾ എണ്ണി തുടങ്ങിയതു മുതൽ എൽഡിഎഫ് സ്ഥാനാർ‌ഥിയായ ജോയ്സ് ജോർജിന് ഒരിടത്തും മുന്നിലെത്താൻ കഴിഞ്ഞില്ല.
മണ്ഡലത്തിലെ ഇതുവരെ വോട്ടെണ്ണിയ എല്ലാ ബൂത്തുകളിലും ഡീനിനാണ് ലീഡ്. സംസ്ഥാനത്തെ ഏറ്റവും വലിയ ഭൂരിപക്ഷം ഡീൻ നേടുമെന്നും ഒരുലക്ഷത്തിലധികം വോട്ടിന് വിജയിക്കുമെന്നുമാണ് യുഡിഎഫ് ക്യാംപിന്റെ വിലയിരുത്തൽ. എറണാകുളം കഴിഞ്ഞാൽ കോൺഗ്രസിന് ഏറ്റവും പ്രതീക്ഷയുള്ള മണ്ഡ‍ലങ്ങളിലൊന്നാണ് ഇടുക്കി.
