കോഴിക്കോട്: മുക്കത്ത് എം ഇ എസ് കോളേജിലെ വിദ്യാര്‍ത്ഥികളും നാട്ടുകാരും തമ്മില്‍ സംഘര്‍ഷം. സംഘര്‍ഷത്തില്‍ ഒരു വിദ്യാര്‍ത്ഥിയുടെ കൈയ്ക്ക് കത്തി കൊണ്ടുളള ആക്രമണത്തില്‍ വെട്ടേറ്റു.
ഒന്നാം വര്‍ഷ ബിരുദ വിദ്യാര്‍ത്ഥി ഇയാസിനാണ് വെട്ടേറ്റത്. റോഡരികില്‍ വിദ്യാര്‍ത്ഥികളുടെ വാഹനം പാര്‍ക്ക് ചെയ്തതുമായി ബന്ധപ്പെട്ടാണ് തര്‍ക്കമുണ്ടായത്.സംഘര്‍ഷത്തില്‍ പരുക്കേറ്റ 13 വിദ്യാര്‍ത്ഥികള്‍ പ്രാഥമികാരോഗ്യ കേന്ദ്രത്തില്‍ ചികിത്സയിലാണ്. ഉച്ചയ്ക്ക് ഭക്ഷണം കഴിക്കാനെത്തിയ വിദ്യാര്‍ഥികള്‍ റോഡില്‍ വാഹനം നിര്‍ത്തിയതുമായി ബന്ധപ്പെട്ടാണ് ഇരു കൂട്ടരും തമ്മില്‍ തര്‍ക്കമുണ്ടായത്.
തര്‍ക്കം പിന്നീട് സംഘര്‍ഷത്തില്‍ കലാശിക്കുകയായിരുന്നു. എന്നാല്‍ യാതൊരു പ്രകോപനവുമില്ലാതെയാണ് നാട്ടുകാരില്‍ ഒരാള്‍ മര്‍ദിച്ചെന്നും കത്തി കാട്ടി ഭീഷണിപ്പെടുത്തിയെന്നും വിദ്യാര്‍ഥികള്‍ ആരോപിച്ചു.
