യുഎസിലെ യാത്രയ്ക്കിടെ റോഡരികില്‍ വാഹനം പാര്‍ക്ക് ചെയ്ത് ഫുട്പാത്തില്‍ നമസ്കരിച്ച് പാകിസ്ഥാന്‍ ക്രിക്കറ്റ് താരം മുഹമ്മദ് റിസ്വാന്‍. ബോസ്റ്റണിലെ ഒരു തെരുവോരത്ത് നിസ്കാരപായ വിരിച്ച് പ്രാര്‍ഥനയില്‍ മുഴുകിയിരിക്കുന്ന വിക്കറ്റ് കീപ്പര്‍ ബാറ്റ്സ്മാന്‍റെ ദൃശ്യങ്ങള്‍ സോഷ്യല്‍ മീഡിയയില്‍ വ്യാപകമായി പ്രചരിക്കുന്നുണ്ട്. ഹാർവഡ് ബിസിനസ് സ്കൂളിന്റെ എക്സിക്യൂട്ടിവ് എ‍ഡ്യുക്കേഷൻ പ്രോഗ്രാമിൽ പങ്കെടുക്കാനാണ് പാകിസ്ഥാന്‍ ക്രിക്കറ്റ് താരം യുഎസിലെത്തിയത്.
തന്റെ മതവിശ്വാസം പ്രകടിപ്പിക്കുന്നതിലൂടെ ഇതാദ്യമായല്ല മുഹമ്മദ് റിസ്വാന്‍ ശ്രദ്ധിക്കപ്പെടുന്നത്. മുമ്പ്, ഹാർവാർഡ് കാമ്പസിലെ തന്റെ അദ്ധ്യാപകരിൽ ഒരാൾക്ക് വിശുദ്ധ ഖുർആനിന്റെ ഒരു പകർപ്പ് സമ്മാനിച്ചതിലൂടെ തന്റെ മതത്തോടുള്ള ബഹുമാനം പ്രകടമാക്കിയതിന് റിസ്വാന്‍ ഏറെ പ്രശംസിക്കപ്പെട്ടിരുന്നു.
