കോഴിക്കോട്: ബൈക്ക് യാത്രക്കിടെ ഹെൽമെറ്റിലുണ്ടായിരുന്ന പാമ്പിൻ്റെ കടിയേറ്റ യുവാവ് അത്ഭുതകരമായി രക്ഷപ്പെട്ടു. കോഴിക്കോട് കൊയിലാണ്ടി സ്വദേശി രാഹുലിനാണ് പാമ്പ് കടിയേറ്റത്. ശനിയാഴ്ചയായിരുന്നു സംഭവം.ബൈക്കില്‍ സഞ്ചരിക്കുമ്പോള്‍ തലയില്‍ വേദന അനുഭവപ്പെട്ടു, തുടര്‍ന്ന് ഹെല്‍മറ്റ് പരിശോധിച്ചപ്പോഴാണ് ഹെല്‍മറ്റില്‍ പാമ്പിനെ കണ്ടെത്തിയത്. വെള്ളിക്കെട്ടന്‍ പാമ്പാണ് ഹെല്‍മറ്റില്‍ ഉണ്ടായിരുന്നത്. ഉടന്‍ തന്നെ നാട്ടുകാര്‍ രാഹുലിനെ താലൂക്ക് ആശുപത്രിയിൽ പ്രവേശിപ്പിച്ചു.
പിന്നീട് രാഹുലിനെ കോഴിക്കോട് മെഡിക്കല്‍ കോളേജിലേക്ക് മാറ്റുകയായിരുന്നു.24 മണിക്കൂര്‍ തീവ്ര പരിചരണ വിഭാഗത്തിലായിരുന്നു.10 ദിവസത്തെ വിശ്രമത്തിന് ഡോക്ടർമാർ നിർദേശിച്ചതായി രാഹുൽ പറഞ്ഞു. സ്വകാര്യ ധനകാര്യസ്ഥാപനത്തിലെ ജീവനക്കാരനായിരുന്ന രാഹുൽ ജോലി സ്ഥലത്തേക്ക് പോകുമ്പോഴായിരുന്നു സംഭവം.
