തിരുവനന്തപുരം : സുരേഷ് ഗോപിക്കെതിരെ മാധ്യമപ്രവർത്തക പരാതി നൽകിയതിലും കേസെടുത്തതിലും പ്രതികരണവുമായി ബിജെപി സംസ്ഥാന അധ്യക്ഷൻ കെ.സുരേന്ദ്രൻ. മാധ്യമപ്രവർത്തകയോടു സുരേഷ് ഗോപി പരസ്യമായി ക്ഷമ പറ‍ഞ്ഞുകഴിഞ്ഞതായും വിവാദം അവസാനിപ്പിക്കണമെന്നും സുരേന്ദ്രൻ സമൂഹമാധ്യമത്തിൽ പങ്കുവച്ച കുറിപ്പിൽ പറഞ്ഞു.
‘‘ഒട്ടും ദുരുദ്ദേശ്യപരമല്ലാത്ത നടപടിയായിട്ടും മനോവിഷമമുണ്ടായ സഹോദരിയോട് സുരേഷ് ഗോപി പരസ്യമായി ക്ഷമ പറഞ്ഞുകഴിഞ്ഞു. ഇനിയെങ്കിലും വിവാദം അവസാനിപ്പിക്കണമെന്ന് എല്ലാവരോടും അഭ്യർഥിക്കുന്നു’’–സുരേന്ദ്രന്‍ കുറിച്ചു.
