നവകേരള സദസ്സിനെ മഴ ‌ബാധിക്കാതിരിക്കാൻ കൂടൽമാണിക്യ ക്ഷേത്രത്തിൽ താമരമാല വ‌ഴിപാട്

ഇരിങ്ങാലക്കുട : നവകേരള സദസ്സിനെ മഴ ‌ബാധിക്കാതിരിക്കാൻ കൂടൽമാണിക്യ ക്ഷേത്രത്തിൽ തഹസിൽദാരുടെ വക താമരമാല വ‌ഴിപാട്. പ്രോഗ്രാം കമ്മിറ്റി കൺവീനർ കൂടിയായ മുകുന്ദപുരം തഹസിൽദാർ കെ.ശാന്തകുമാരിയാണു താമരമാല വഴിപാട് നേർന്നത്. നവകേരള സദസ്സ് എന്ന പേരിലാണ് വഴിപാട് ബുക്ക് ചെയ്തത്. ഇന്നലെ വൈകിട്ട് 4ന് ആയിരുന്നു ഇരിങ്ങാലക്കുടയിലെ സദസ്സ്. ഉച്ചയ്ക്കു മഴക്കാർ കണ്ടപ്പോൾ‌ വഴിപാടിന്റെ കാര്യം ക്ഷേത്രത്തിൽ വിളിച്ച് തഹസിൽദാർ ഉറപ്പുവരുത്തുകയും ചെയ്തു.