പെരുമ്പാവൂരിൽ എൽദോസ് കുന്നപ്പിള്ളില്‍ എംഎൽഎയ്ക്ക് മർദനമേറ്റതായി പരാതി. നവകേരള സദസിനെതിരെ പ്രതിഷേധിച്ചതിന് മർദനമേറ്റ കെ.എസ്.യു, യൂത്ത് കോണ്‍ഗ്രസ് പ്രവർത്തകരെ ആശുപത്രിയില്‍ സന്ദർശിക്കാനെത്തിയപ്പോൾ ഡിവൈഎഫ്ഐ പ്രവർത്തകർ മർദിച്ചെന്നാണ് പരാതി.എം എൽ എയുടെ ഡ്രൈവർക്കും മർദനമേറ്റു.
പെരുമ്പാവൂർ യൂത്ത് കോൺഗ്രസ് മണ്ഡലം പ്രസിഡന്റ് നോയൽ ജോസിനെ കാണാൻ ആശുപത്രിയിൽ എത്തിയതായിരുന്നു എം എൽ എ. 20 ബൈക്കുകളിലെത്തിയ അറുപതോളം പ്രവർത്തകർ ചേര്‍ന്നാണ് എംഎല്‍എയെ മർദിച്ചത്. തുടര്‍ന്ന് എൽദോസ് കുന്നപ്പള്ളി എംഎൽഎയെ ആശുപത്രിയിൽ പ്രവേശിപ്പിച്ചു.
