കൊച്ചി: സ്നേഹയാത്രക്ക് പിന്നാലെ ക്രൈസ്തവ സമൂഹവുമായി ബന്ധം ഊട്ടിയുറപ്പിക്കാൻ ക്രിസ്മസ് ഗാനവുമായി ബിജെപി നേതാവ്. സംസ്ഥാന കമ്മിറ്റിയംഗം സി.ജി. രാജഗോപാൽ രചിച്ച ക്രിസ്തു ഗീതം കെസിബിസിയാണ് പുറത്തിറക്കുന്നത്. കൊച്ചിയിലെ ചാവറ കൾച്ചറൽ സെന്ററിലെ സ്റ്റുഡിയോയിലായിരുന്നു പാട്ടിന്റെ പൂർത്തീകരണം.
ക്രൈസ്തവ സമൂഹവുമായുള്ള അകലം കുറയ്ക്കാൻ എല്ലാ വഴികളും പ്രയോജനപ്പെടുത്തുകയാണ് ബിജെപി. സ്നേഹ സന്ദേശ യാത്രകൾക്ക് സംഗീതത്തിന്റെയും കൂട്ട്. ചാവറ കൾച്ചറൽ സെന്റർ സ്‌റ്റുഡിയോയിൽ പാട്ടിന്റെ പൂർത്തീകരണത്തിന് കെസിബിസി ഭാരവാഹികളടക്കം സാക്ഷികളായി. പാട്ടിൽ രാഷ്ട്രീയം കാണേണ്ടതില്ലെന്നാണ് കെസിബിസി നിലപാട്. സുജിത് കുര്യൻ സംഗീത നൽകിയ ഗാനം ആലപിച്ചത് രാഹുൽ ലക്ഷ്മണആണ്.
