ദുബൈ: കടുത്ത വേനൽ കാലം അവസാനിക്കാനിരിക്കെ, യു.എ.ഇയിൽ ചില ഭാഗങ്ങളിൽ ബുധനാഴ്ച മഴ ലഭിച്ചു. അബൂദബിയിലും റാസൽഖൈമയിലുമായി ചില ഭാഗങ്ങളിലാണ് മഴ രേഖപ്പെടുത്തിയതെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.
കാലാവസ്ഥാ വകുപ്പ് ചില ഭാഗങ്ങളിൽ കഴിഞ്ഞ ദിവസം യെല്ലോ അലേർട്ട് പുറപ്പെടുവിച്ചിരുന്നു. രാജ്യത്തിന്റെ കിഴക്കൻ മേഖലയിലായിരുന്നു മുന്നറിയിപ്പ് പുറപ്പെടുവിച്ചത്. അതേസമയം, ബുധനാഴ്ച രാജ്യത്ത് രേഖപ്പെടുത്തിയ ഏറ്റവും കൂടുതൽ താപനില 49.6 ഡിഗ്രിയാണ്.
