ദോഹ: മെഗാ സോളാർ പദ്ധതി പ്രഖ്യാപിച്ച് ഖത്തർ. ലോകത്തെ തന്നെ ഏറ്റവും വലിയ സോളാർ പദ്ധതികളിലൊന്നായ ദുഖാനിൽ നിന്നും പ്രതിവർഷം 2000 മെഗാവാട്ട്‌സ് വൈദ്യുതിയാണ് ഉൽപ്പാദിപ്പിക്കുക. കാർബൺ മലിനീകരണമില്ലാത്ത സുസ്ഥിര ഊർജ സ്രോതസുകളെ പരമാവധി പ്രയോജനപ്പെടുത്തുകയെന്ന നയത്തിന്റെ ഭാഗമായാണ് ഖത്തർ എനർജി പുതിയ സോളാർ പദ്ധതി പ്രഖ്യാപിച്ചത്.
2000 മെഗാവാട്ടാണ് ദുഖാനിലെ പദ്ധതിയുടെ ശേഷി. ഇവിടെ നിന്നും ഉൽപ്പാദനം തുടങ്ങുന്നതോടെ സോളാർ പ്ലാന്റുകളിൽ നിന്നും ഖത്തറിന്റെ വൈദ്യുതി ഉൽപ്പാദനം 2030 ഓടെ 4000 മെഗാവാട്ടായി ഉയരും. ഖത്തർ എനർജിക്ക് കീഴിലുള്ള നാലാമത്തെ വമ്പൻ സോളാർ പദ്ധതിയാണിത്. 2022 ൽ 800 മെഗാവാട്ട്‌സ് ശേഷിയുള്ള അൽ കർസാ പദ്ധതി ഉദ്ഘാടനം ചെയ്തിരുന്നു.
