കേരളത്തിൽ ആണവനിലയം അനിവാര്യമോ :കെപിസിസി സെമിനാർ സംഘടിപ്പിക്കുന്നു

തിരുവനന്തപുരം : വൈദ്യുതി ഉൽപാദന പ്രതിസന്ധി പരിഹരിക്കാൻ കേരളത്തിൽ ആണവനിലയം അനിവാര്യമോ എന്ന വിഷയത്തിൽ കെപിസിസിയുടെ പോഷക സംഘടനയായ ശാസ്ത്രവേദി സെമിനാർ സംഘടിപ്പിക്കുന്നു. ശാസ്ത്ര മേഖലയിലെ പ്രമുഖരെ ഉൾപ്പെടുത്തിയാണ് സെമിനാർ‌.
വ്യാഴാഴ്ച രാവിലെ 10ന് തിരുവനന്തപുരം പ്രസ് ക്ലബിൽ നടക്കുന്ന സെമിനാർ പ്രതിപക്ഷ നേതാവ് വി.ഡി.സതീശനാണ് ഉദ്ഘാടനം ചെയ്യുന്നത്. കെപിസിസി ജനറൽ സെക്രട്ടറി എം.ലിജു, പ്രഫ. ആർ.വി.ജി. മേനോൻ, കൂടംകുളം ആണവനിലയത്തിലെ സയന്റിഫിക്ക് ഓഫിസർ എ.വി.സതീശ്,  ഡോ.ജോർജ് വർഗീസ്, അച്യുത്ശങ്കർ ഉൾപ്പെടെയുള്ളവർ പങ്കെടുക്കും.