ദുബായ് : ദുബായിൽനിന്ന് ബെയ്റൂട്ടിലേക്കും തിരിച്ചുമുള്ള വിമാന സർവീസ് നവംബർ അവസാന വാരം വരെ റദ്ദാക്കിയതായി എമിറേറ്റ്സ് എയർലൈൻ അറിയിച്ചു. നവംബർ 14 വരെ ബഗ്ദാദിലേക്കും തിരിച്ചും സർവീസ് ഉണ്ടാകില്ല. ഇതേസമയം ടെഹ്റാനിലേക്കുള്ള സർവീസ് ഇന്ന് പുനരാരംഭിക്കും. ഇനിയൊരു അറിയിപ്പുണ്ടാകുന്നതുവരെ ബഗ്ദാദിലേക്കുള്ള ട്രാൻസിറ്റ് യാത്രക്കാരെയും അനുവദിക്കില്ല.
വിമാന സർവീസുകളുടെ സമയം സംബന്ധിച്ച് യാത്രക്കാർ എയർലൈൻ വെബ്സൈറ്റിൽ പരിശോധിക്കണം. വിവരങ്ങൾക്ക് എയർലൈനുമായോ ട്രാവൽ ഏജൻസിയുമായോ ബന്ധപ്പെടണമെന്നും വ്യക്തമാക്കി.
