റിയാദ്: സൗദിയിൽ സെമസ്റ്റർ അവധി ആരംഭിച്ചതോടെ റിയാദിലെ ഹോട്ടൽ നിരക്കുകൾ വർധിച്ചു. റിയാദിൽ നടക്കുന്ന റിയാദ് സീസണിലേക്ക് സന്ദർശകർ എത്തുന്നതിന്റെ ഭാഗമായാണ് നിരക്ക് വർധന. മിക്ക ഹോട്ടലുകളിലെയും നൂറു ശതമാനം മുറികളും നിറഞ്ഞ അവസ്ഥയിലാണ്. ടൂറിസം മന്ത്രാലയത്തിന്റേതാണ് കണക്കുകൾ.
കഴിഞ്ഞ വ്യാഴാഴ്ചയാണ് സെമസ്റ്റർ അവധി ആരംഭിച്ചത്. നവംബർ 17 വരെയായിരിക്കും അവധി നീണ്ടു നിൽക്കുക. അവധിയുടെ ഭാഗമായി റിയാദ് നഗരങ്ങളിലെ ഹോട്ടൽ മുറികൾ നിറഞ്ഞിരിക്കുകയാണ്. ഇതോടൊപ്പം ഹോട്ടൽ നിരക്കുകളും വർധിച്ചു. റിയാദിൽ നടക്കുന്ന റിയാദ് സീസണിലേക്ക് അവധി ദിവസങ്ങളിൽ സന്ദർശകർ എത്തുന്നത് വർധിച്ചതിനാലാണിത്.
