ന്യൂഡൽഹി: മുൻ പ്രധാനമന്ത്രി ഡോ. മൻമോഹൻ സിംഗിന്റെ വിയോഗത്തിൽ അനുശോചനമറിയിച്ച് മുഖ്യമന്ത്രി പിണറായി വിജയൻ. മതേതരത്വത്തിൻ്റെയും ജനാധിപത്യത്തിൻ്റെയും മൂല്യങ്ങളോട് പ്രതിബദ്ധതയുള്ള വിശിഷ്ട രാഷ്ട്രതന്ത്രജ്ഞനായിരുന്നു ഡോ. മൻമോഹൻ സിംഗ് എന്ന് അദ്ദേഹം എക്സിൽ കുറിച്ചു. വേർപാടിൽ അഗാധമായ ദുഃഖം രേഖപ്പെടുത്തുന്നുവെന്നും അദ്ദേഹത്തിൻ്റെ കുടുംബത്തോടും പ്രിയപ്പെട്ടവരോടും ഹൃദയംഗമമായ അനുശോചനം അറിയിക്കുന്നുവെന്നും മുഖ്യമന്ത്രി കുറിച്ചു.
ഡൽഹി എയിംസിൽ ശ്വാസകോശ സംബന്ധമായ അസുഖത്തെ തുടർന്ന് ചികിത്സയിലിരിക്കെയായിരുന്നു മൻമോഹൻ സിംഗിന്റെ അന്ത്യം. കോൺഗ്രസ് മുതിർന്ന നേതാക്കളുൾപ്പെടെയുള്ളവർ ആശുപത്രിയിലെത്തിയിരുന്നു.
