പത്തനംതിട്ട: നീറ്റ് പരീക്ഷയുടെ വ്യാജ ഹാള് ടിക്കറ്റ് ഉണ്ടാക്കിയ സംഭവത്തില് പിടിയിലായ അക്ഷയ സെന്റര് ജീവനക്കാരി ഗ്രീഷ്മയുടെ മൊഴിയിലെ കൂടുതല് വിവരങ്ങള് പുറത്ത്. പണം വാങ്ങിയിട്ടും അപേക്ഷ നല്കാന് മറന്നിരുന്നു. തുടര്ച്ചയായി ഹാള് ടിക്കറ്റ് ആവശ്യപ്പെട്ടതോടെ വ്യാജമായി നിര്മ്മിക്കുകയായിരുന്നുവെന്നാണ് ഗ്രീഷ്മ മൊഴി നല്കിയത്.
പരീക്ഷ എഴുതാന് വിദ്യാര്ത്ഥി പത്തനംതിട്ടയില് പോകുമെന്ന് കരുതിയിരുന്നില്ലെന്നും യുവതി പറയുന്നു. 1850 രൂപയാണ് വിദ്യാര്ത്ഥിയുടെ അമ്മയില് നിന്ന് കൈപ്പറ്റിയത്. എന്നാല് അപേക്ഷ നല്കാന് മറന്നു. വിദ്യാര്ത്ഥി നിരന്തരം ഹാല് ടിക്കറ്റ് ആവശ്യപ്പെട്ടതോടെ വ്യാജ ഹാള് ടിക്കറ്റ് ഉണ്ടാക്കുകയായിരുന്നു. ഗൂഗിളില് തിരഞ്ഞാണ് പത്തനംതിട്ടയിലെ പരീക്ഷാകേന്ദ്രം കണ്ടെത്തിയതെന്നും അക്ഷയ സെന്റര് ജീവനക്കാരി പറഞ്ഞു.
