മലപ്പുറം: നിലമ്പൂരില് മത്സരിക്കാന് സന്നദ്ധത അറിയിച്ച് തൃണമൂല് കോണ്ഗ്രസ് നേതാവും നിലമ്പൂര് മുന് എംഎല്എയുമായ പി വി അന്വര്. ടിഎംസി ദേശീയ നേതൃത്വത്തെയാണ് മത്സര സന്നദ്ധത അറിയിച്ചത്. പ്രചാരണത്തിന് എത്തേണ്ട നേതാക്കളുടെ പട്ടികയും അന്വര് ദേശീയ നേതൃത്വത്തിന് കൈമാറിയിട്ടുണ്ട്. മത്സരത്തിന് ഒരുങ്ങാന് പാര്ട്ടി പ്രവര്ത്തകര്ക്കും നിര്ദ്ദേശം നല്കി.
തൃണമൂല് സംസ്ഥാന സെക്രട്ടറിയേറ്റിന്റെ നിര്ണായക യോഗം ഇന്ന് മഞ്ചേരിയില് നടക്കും. വൈകുന്നേരം നാല് മണിക്കാണ് യോഗം ചേരുന്നത്. നാളെ സംസ്ഥാന പ്രവര്ത്തക സമിതി യോഗവും ചേരും. ഇതിന് ശേഷം മത്സരിക്കുന്നതുമായി ബന്ധപ്പെട്ട ഔദ്യോഗിക പ്രഖ്യാപനം നടത്തുക. അതേസമയം മണ്ഡലത്തില് പി വി അന്വറിന്റെ ഫ്ളക്സുകള് ടിഎംസി പ്രവര്ത്തകര് ഉയര്ത്തി.
