കൊച്ചി: മുണ്ടക്കൈ-ചൂരൽമല ഉരുൾപൊട്ടൽ ദുരന്തത്തിലെ ദുരിതബാധിതരെ കയ്യൊഴിഞ്ഞ് കേന്ദ്ര സർക്കാർ. ദുരിതബാധിതരുടെ വായ്പ എഴുതിത്തള്ളാൻ അധികാരമില്ലെന്ന് കേന്ദ്രം ഹൈക്കോടതിയിൽ സത്യവാങ്മൂലം നൽകി. ദേശീയ ദുരന്തനിവാരണ അതോറിറ്റിക്ക് ശിപാർശ നൽകാൻ അധികാരമില്ല. ദുരന്തനിവാരണ നിയമത്തിലെ വകുപ്പ് മാർച്ചിൽ ഒഴിവാക്കിയെന്നും സത്യവാങ്മൂലത്തിൽ പറയുന്നു.
മുണ്ടക്കൈ-ചൂരൽമല പ്രദേശത്ത് വായ്പയെടുത്ത നിരവധിപേരാണ് തിരിച്ചടയ്ക്കാൻ പ്രതിസന്ധി നേരിടുന്നത്. ഇവരെ പൂർണമായും കയ്യൊഴിയുന്നതാണ് കേന്ദ്രത്തിന്റെ നിലപാട്. അടുത്ത തവണ ഹരജി പരിഗണിക്കുമ്പോൾ കോടതി എന്ത് നിലപാട് സ്വീകരിക്കും എന്നാണ് ഇനി അറിയാനുള്ളത്.
