ടെഹ്റാന്: കഴിഞ്ഞ മൂന്നുദിവസമായി ഇസ്രയേല് ഇറാനില് നടത്തിയ ആക്രമണത്തില് കൊല്ലപ്പെട്ടത് 224 പേർ എന്ന് റിപ്പോര്ട്ട്. 1277 പേരെ ആശുപത്രിയില് പ്രവേശിപ്പിച്ചു. കൊല്ലപ്പെട്ടവരില് 90 ശതമാനത്തിലധികവും സാധാരണക്കാരനാണെന്ന് ഇറാന് ആരോഗ്യമന്ത്രാലയം വ്യക്തമാക്കി. ഇറാന്റെ ഇസ്ലാമിക് റെവല്യൂഷണറി ഗാര്ഡ് കോര്പ്സിന്റെ (ഐആര്ജിസി) ഇന്റലിജന്സ് മേധാവി ബ്രിഗേഡിയര് ജനറല് മുഹമ്മദ് കസെമിയും ഡെപ്യൂട്ടി ജനറല് ഹസ്സന് മൊഹാകിഖും ഇസ്രായേലിന്റെ ആക്രമണത്തില് കൊല്ലപ്പെട്ടതായി പ്രധാനമന്ത്രി ബെഞ്ചമിന് നെതന്യാഹു പറഞ്ഞിരുന്നു . ജൂണ് 13 മുതല് ഇസ്രയേല് നടത്തിയ ആക്രമണത്തില് ഇറാനിലെ 14 ആണവ ശാസ്ത്രജ്ഞര് കൊല്ലപ്പെട്ടുവെന്ന് ഇസ്രയേലി മാധ്യമങ്ങള് റിപ്പോര്ട്ട് ചെയ്തിരുന്നു.
ഇസ്രയേല് ഇറാനില് നടത്തിയ ആക്രമണത്തില് കൊല്ലപ്പെട്ടത് 224 പേർ എന്ന് റിപ്പോര്ട്ട്
RELATED ARTICLES
