തിരുവനന്തപുരം: പോക്സോ കേസിൽ സിപിഐ മുൻ ബ്രാഞ്ച് സെക്രട്ടറിക്ക് 17 വർഷം ശിക്ഷ വിധിച്ചു. ഉദയൻകുളങ്ങര സ്വദേശി ഷിനുവിനെ (41) ആണ് കോടതി ശിക്ഷിച്ചത്. നാല് കുട്ടികളെയാണ് സിപിഐ മുൻ ബ്രാഞ്ച് സെക്രട്ടറി പീഡിപ്പിച്ചത്.
2022 – 23 കാലയളവിലാണ് കേസിനാസ്പദമായ സംഭവം നടന്നത്. സിപിഐ ഉദയൻകുളങ്ങര മുൻ ബ്രാഞ്ച് സെക്രട്ടറിയാണ് പ്രതി ഷിനു. 17 വർഷം കഠിന തടവിനൊപ്പം 50000 രൂപ പിഴയും അടയ്‌ക്കണം. അതിവേഗം കുറ്റപത്രം സമർപ്പിച്ച കേസിലാണ് വിധി വന്നത്.
