തിരുവനന്തപുരം:തലസ്ഥാനത്തെ ആദ്യ ഫ്ലോട്ടിംഗ് ബ്രിഡ്ജ് തകർന്നു. വർക്കലയിലെ ഫ്ലോട്ടിംഗ് ബ്രിഡ്ജാണ് അപകടത്തിൽപ്പെട്ടത്. അപകട സമയത്ത് നൂറുകണക്കിന് ആളുകൾ ബ്രിഡ്ജിലുണ്ടായിരുന്നു.
അപകടത്തെ തുടർന്ന്, വർക്കല തലൂക്ക് ആശുപത്രിയിലും പാരിപ്പള്ളി മെഡിക്കൽ കോളേജിലുമായി 21 പേരെ പ്രവേശിപ്പിച്ചു. രണ്ട് പേരുടെ നില അതീവ ഗുരുതരാവാസ്ഥയിലാണ്. നാദിറ, ഋഷബ് എന്നിവരാണ് ഗുരുതരാവസ്ഥയിൽ കഴിയുന്നത്. ബ്രിഡ്ജിൽ കെട്ടിയിരുന്ന കയറിന് കാലപ്പഴക്കം ഉള്ളതായി ലൈഫ് ഗാർഡുകൾ പറയുന്നു. ഇതാണ് അപകട കാരണമെന്നാണ് പ്രാഥമിക നിഗമനം. ബ്രിഡ്ജ് പൂർണമായും തകർന്ന അവസ്ഥയിലാണ്.
രണ്ടര മാസങ്ങൾക്ക് മുമ്പായിരുന്നു ടൂറിസം വകുപ്പ് മന്ത്രി മുഹമ്മദ് റിയാസ് ഉദ്ഘാടനം നിർവ്വഹിച്ച വർക്കലയിലെ ഫ്ലോട്ടിംഗ് ബ്രിഡ്ജ് പൊതുജനങ്ങൾക്കായി തുറന്നുകൊടുത്തത്.
