കോലഞ്ചേരി: പുതുപ്പള്ളിയിലെ യു.ഡി.എഫ് സ്ഥാനാർഥി ചാണ്ടി ഉമ്മൻ യാക്കോബായ വിഭാഗം പ്രാദേശിക തലവൻ ബസേലിയോസ് തോമസ് പ്രഥമൻ ബാവയെ സന്ദർശിച്ചു. സഭാ ആസ്ഥാനമായ പുത്തൻകുരിശ് പാത്രിക സെന്ററിൽ എത്തിയാണ് ശ്രേഷ്ഠ കാതോലിക്ക ബസേലിയോസ് തോമസ് പ്രഥമൻ ബാവയെ സന്ദർശിച്ചത്. മെത്രാപ്പോലീത്തമാരായ ജോസഫ് മാർ ഗ്രിഗോറിയോസ്, ഏലിയാസ് മാർ അത്തനാസിയോസ് തുടങ്ങിയവരും ഒപ്പമുണ്ടായിരുന്നു.