ന്യൂഡല്ഹി: ഛത്തീസ്ഗഡില് കന്യാസ്ത്രീകള് അറസ്റ്റിലായ സംഭവത്തില് ബിജെപിക്കും ആര്എസ്എസിനുമെതിരെ രൂക്ഷവിമര്ശനവുമായി ലോക്സഭാ പ്രതിപക്ഷ നേതാവ് രാഹുല് ഗാന്ധിയും വയനാട് എംപി പ്രിയങ്കാ ഗാന്ധിയും രംഗത്ത്. കന്യാസ്ത്രീകളെ അവരുടെ വിശ്വാസത്തിന്റെ പേരില് അറസ്റ്റ് ചെയ്തത് നീതീകരിക്കാനാകില്ലെന്നും അത് ബിജെപി-ആര്എസ്എസ് ആള്ക്കൂട്ട വിചാരണയാണെന്നും രാഹുല് ഗാന്ധി പറഞ്ഞു. ‘കന്യാസ്ത്രീകളുടെ അറസ്റ്റ് ഈ ഭരണത്തിനു കീഴില് ന്യൂനപക്ഷങ്ങളെ എങ്ങനെയാണ് വ്യവസ്ഥാപിതമായ രീതിയില് പീഡിപ്പിക്കുന്നത് എന്നത് വ്യക്തമാക്കുന്നു. അറസ്റ്റിനെതിരെ യുഡിഎഫ് എംപിമാര് ഇന്ന് പാര്ലമെന്റില് പ്രതിഷേധിച്ചു. ഞങ്ങള് നിശബ്ദരായിരിക്കില്ല. മതസ്വാതന്ത്ര്യം ഭരണഘടന ഉറപ്പുനല്കുന്ന അവകാശമാണ്. കന്യാസ്ത്രീകളെ ഉടന് മോചിപ്പിക്കണമെന്നും ഈ അനീതിയുടെ ഉത്തരവാദിത്തം ഏറ്റെടുക്കണമെന്നും ഞങ്ങള് ആവശ്യപ്പെടുന്നു’- രാഹുല് ഗാന്ധി ഫേസ്ബുക്കില് കുറിച്ചു
ഛത്തീസ്ഗഡില് കന്യാസ്ത്രീകള് അറസ്റ്റിലായ സംഭവം:ബിജെപിക്കും ആര്എസ്എസിനുമെതിരെ രൂക്ഷവിമര്ശനവുമായി രാഹുൽ
RELATED ARTICLES
