ന്യൂഡല്ഹി: വയനാട് ഉരുള്പൊട്ടല് ദുരന്തത്തില് ദുഃഖമറിയിച്ച് പ്രതിപക്ഷ നേതാവും വയനാട് മുന് എംപിയുമായ രാഹുല് ഗാന്ധി. മുഖ്യമന്ത്രി പിണറായി വിജയനുമായി ആശയവിനിമയം നടത്തി സഹായങ്ങള് വാഗ്ദാനം ചെയ്തു. രക്ഷാപ്രവര്ത്തനത്തിന് സൈന്യത്തെ വിളിക്കണമെന്നും അദ്ദേഹം പറഞ്ഞു.
സ്ഥിതിഗതികള് നിരീക്ഷിക്കാന് മുഖ്യമന്ത്രിയുടെ നേതൃത്വത്തില് പ്രത്യേക സംവിധാനം വേണം. കേന്ദ്രമന്ത്രിമാരുമായി സംസാരിക്കും. വയനാടിന് സാധ്യമായ എല്ലാ സഹായങ്ങളുമെത്തിക്കുമെന്നും രാഹുല് ഗാന്ധി പറഞ്ഞു.
മുഖ്യമന്ത്രിയും ജില്ലാ കലക്ടറുമായും ഫോണില് സംസാരിച്ച് സ്ഥിതിഗതികള് വിലയിരുത്തിയെന്ന് പറഞ്ഞ രാഹുല് ഗാന്ധി എല്ലാ യുഡിഎഫ് പ്രവര്ത്തകരും ഭരണകൂടത്തിനൊപ്പം ചേര്ന്ന് രക്ഷപ്രവര്ത്തനത്തില് പങ്കാളികളാവണമെന്നും ആഹ്വാനം ചെയ്തു.
