റിയാദ്: സൗദിയിൽ വനിതകളുടെ ഉടമസ്ഥതയിലുള്ള സ്ഥാപനങ്ങളുടെ എണ്ണത്തിൽ വൻ വർധന. കഴിഞ്ഞ വർഷം അവസാനത്തോടെ വനിതാ ഉടമസ്ഥതയിലുള്ള സ്ഥാപനങ്ങളുടെ എണ്ണം 4.45 ലക്ഷത്തിലധികമായി വർധിച്ചു.
വനിതകളുടെ ശാക്തീകരണത്തിനും അവകാശ സംരക്ഷണങ്ങൾക്കുമായി നിരവധി പദ്ധതികളാണ് രാജ്യത്ത് നടപ്പിലാക്കി വരുന്നത്. സ്വകാര്യ മേഖലയിൽ ജോലി ചെയ്യുന്ന വനിതകളുടെ എണ്ണത്തിൽ ഗണ്യമായ വർധന രേഖപ്പെടുത്തുന്നതാണ് നിലവിലെ സാഹചര്യം. വ്യവസായ, വ്യാപാര മേഖലകളിലും സ്ത്രീകളുടെ പങ്കാളിത്തം വർധിച്ചിട്ടുണ്ട്. വനിതകളുടെ ഉടമസ്ഥതയിലുള്ള സ്ഥാപനങ്ങളുടെയും കമ്പനികളുടെയും എണ്ണം കഴിഞ്ഞ വർഷം അവസാനത്തോടെ 476,040 ആയി ഉയർന്നു. ഇതിൽ 1,24,107 സ്ഥാപനങ്ങൾ റിയാദ് മേഖലയിലാണ്.
