തൃശൂര്: കേന്ദ്രമന്ത്രിയും എം.പിയുമായ സുരേഷ് ഗോപിയെ കാണാനില്ലെന്ന് പൊലീസില് പരാതി. കെ.എസ്.യു തൃശൂർ ജില്ല പ്രസിഡന്റ് ഗോകുല് ഗുരുവായൂരാണ് തൃശൂര് ഈസ്റ്റ് പൊലീസില് പരാതി നല്കിയത്.
ചത്തിസ്ഗഢില് കന്യാസ്ത്രീകളുടെ അറസ്റ്റിന് ശേഷം സുരേഷ് ഗോപിയെ കാണാനില്ലെന്നും അദ്ദേഹത്തിന്റെ തിരോധാനത്തിന് പിന്നില് ആരാണെന്ന് കണ്ടെത്തണമെന്നുമാണ് പരാതിയില് ആവശ്യപ്പെട്ടത്. കന്യാസ്ത്രീകളുടെ അറസ്റ്റുമായി ബന്ധപ്പെട്ട വിഷയത്തിൽ സുരേഷ് ഗോപി പ്രതികരിക്കാത്തതിനെതിരെ വിമർശനം ഉയരുന്ന പശ്ചാത്തലത്തിലാണ് പരാതി. ഇ-മെയില് വഴിയാണ് ഗോകുല് പൊലീസിന് പരാതി നല്കിയത്.
