ദുബൈ: നിർമിത ബുദ്ധി (എഐ) മേഖലയിൽ അമ്പത് ബില്യൺ യൂറോയുടെ വമ്പൻ നിക്ഷേപം നടത്തി യുഎഇ. ഫ്രാൻസിൽ നിർമിക്കുന്ന കൂറ്റൻ എഐ ഡാറ്റാ സെന്ററിലാണ് യുഎഇ മുതൽ മുടക്കുന്നത്. ഇതുമായി ബന്ധപ്പെട്ട ധാരണാപത്രത്തിൽ ഇരുരാഷ്ട്രങ്ങളും ഒപ്പുവച്ചു.
എഐ മേഖലയുടെ ആഗോള ഭാവി മുന്നിൽക്കണ്ടാണ് യുഎഇ ഫ്രഞ്ച് ഗവൺമെന്റുമായി സഹകരിക്കുന്നത്. ഒരു ജിഗാവാട്ട് ശേഷിയുള്ള എഐ ഡാറ്റ സെന്ററിലാണ് രാജ്യം 500 കോടി യൂറോയുടെ നിക്ഷേപം നടത്തുക. യുഎഇ പ്രസിഡണ്ട് ശൈഖ് മുഹമ്മദുമായുള്ള കൂടിക്കാഴ്ചയ്ക്ക് ശേഷം ഫ്രഞ്ച് പ്രസിഡണ്ട് ഇമ്മാനുവൽ മക്രോണിന്റെ ഓഫീസാണ് ഇതു സംബന്ധിച്ച വിവരങ്ങൾ പുറത്തുവിട്ടത്.
