അബുദാബി : യുഎഇ താമസ വീസയുള്ള വിദേശികൾക്ക് 15 രാജ്യങ്ങളിൽ വീസ ഓൺ അറൈവൽ സൗകര്യം. കാലാവധിയുള്ള പാസ്പോർട്ട്, വീസ എന്നിവ ഉണ്ടെങ്കിൽ ഈ രാജ്യങ്ങളിലേക്കു നേരിട്ടു പറക്കാം. അവിടത്തെ വിമാനത്താവളത്തിൽ എത്തി വീസ എടുക്കാവുന്നതാണ്.
4 ദിവസത്തെ പെരുന്നാൾ അവധിയിൽ പോയി വരാവുന്ന സ്ഥലങ്ങളാണ് ഇതിൽ ഭൂരിഭാഗവും. ഇനി വേണമെങ്കിൽ 3 ദിവസം കൂടി ലീവ് എടുത്താൽ ഒരാഴ്ച കൊണ്ട് ഒന്നിലേറെ വിദേശ രാജ്യങ്ങളിൽ കറങ്ങി അവധിക്കാലം ആസ്വാദ്യകരമാക്കാം.
വീസ ഓൺ അറൈവൽ
അർമീനിയ, അസർബൈജാൻ, ബ്രൂണയ്, ജോർജിയ, ഇന്തൊനീഷ്യ, കിർഗിസ്ഥാൻ, മലേഷ്യ, മാലദ്വീപ്, മൊറീഷ്യസ്, മോണ്ടിനെഗ്രോ, നേപ്പാൾ, സെയ്ഷൽസ്, സിംഗപ്പൂർ, ശ്രീലങ്ക, തായ്‌ലൻഡ്.
