യുഎഇയിൽ ഇന്ധന വില വീണ്ടും കുറഞ്ഞു

യുഎഇയിൽ ഇന്ധന വില വീണ്ടും കുറഞ്ഞു. പെട്രോളിന് ഏഴ് ഫിൽസും ഡീസലിന് 23 ഫിൽസുമാണ് കുറഞ്ഞത്. ഇതോടെ സ്പെഷ്യൽ പെട്രോളിന് വില രണ്ട് ദിർഹം 85 ഫിൽസും സൂപ്പർ പെട്രളിന് രണ്ട് ദിർഹം 96 ഫിൽസുമാണ് പുതുക്കിയ വില. ഇ പ്ലസിന് എട്ട് ഫിൽസ് കുറഞ്ഞ് രണ്ട് ദിർഹം 77 ഫിൽസായി. അതേസമയം ഡീസൽ വില മൂന്ന് ദിർഹം 19 ഫിൽസിലെത്തി. പുതിയ നിരക്ക് അർധരാത്രി പ്രാബല്യത്തിൽ വരും. തുടർച്ചയായി രണ്ടാം മാസമാണ് ഇന്ധന വില കുറയുന്നത്.