ദുബൈ: ഗസ്സയിൽ 1.2 ദശലക്ഷം ഡോസ് പോളിയോ വാക്സിൻ വിതരണം ചെയ്തതായി ലോകാരോഗ്യ സംഘടന (ഡബ്ല്യു.എച്ച്.ഒ) അറിയിച്ചു. നാല് ലക്ഷം ഡോസ് വാക്സിനുകൾ കൂടി അടിയന്തരമായി എത്തിക്കുമെന്ന് സംഘടന ഉറപ്പു നൽകി. വാക്സിനേഷനു വേണ്ടി മൂന്ന് ദിവസത്തെ ഭാഗിക വെടിനിർത്തലിന് ഇസ്രായേൽ സമ്മതിച്ചിരുന്നു. ഇതിലൂടെ യുദ്ധബാധിത മേഖലയിൽ താമസിക്കുന്ന 640,000-ത്തിലധികം കുട്ടികൾക്ക് കുത്തിവയ്പ്പ് നൽകാൻ സാധിക്കുമെന്നാണ് വിലയിരുത്തൽ.
വാക്സിനേഷൻ ഡ്രൈവ് ഞായറാഴ്ച ആരംഭിക്കുമെന്ന് ഡബ്ല്യു.എച്ച്.ഒ ഡയറക്ടർ പറഞ്ഞു. ഭാഗിക വെടിനിർത്തലിനെ ഇസ്രായേൽ സൈന്യവും ഹമാസും ബഹുമാനിക്കണമെന്ന് യുഎൻ ഉദ്യോഗസ്ഥർ പറഞ്ഞു. 2,000-ത്തിലധികം ആരോഗ്യ- സാമൂഹ്യ പ്രവർത്തകർ വാക്സിനേഷൻ ഡ്രൈവിൽ ഉൾപ്പെടുന്നുണ്ട്.
