സ്റ്റോക്ക് ഓൺ ട്രെൻഡ്: MSOC കൗൺസിൽ യുകെയുടെ ആഭിമുഖ്യത്തിൽ സ്റ്റോക്ക് ഓൺ ട്രെൻഡിൽ വച്ച് സെപ്റ്റംബർ 30നും ഒക്ടോബർ 1നും നടക്കുന്ന ഫാമിലി കോൺഫറൻസ് 2023 ന്റെ ഒരുക്കങ്ങൾ പൂർത്തിയാകുന്നു. എല്ലാ പള്ളികളിലും രജിസ്ട്രേഷൻ നടപടികൾ പുരോഗമിക്കുകയാണ്.
UK ഭദ്രാസനത്തിലെ എല്ലാ പള്ളികളിൽ നിന്നുമുള്ള നൂറുകണക്കിന് വിശ്വാസികൾ പങ്കെടുക്കുന്ന ഫാമിലി കോൺഫറൻസിൽ സെപ്റ്റംബർ 30 ശനിയാഴ്ച രാവിലെ 8.30 രജിസ്ട്രേഷനോട് കൂടി പരിപാടികൾ ആരംഭിക്കുകയും തുടർന്ന് 9.30 ഉദ്ഘാടന ചടങ്ങും, 11.00 മണിക്ക് സഭയുടെ വിവാഹപൂർവ കുടുംബ കൗൺസിലിംഗ് കോഴ്‌സുകളിൽ വിദഗ്ധൻ ആയിട്ടുള്ള സ്പീക്കർ: ഡോ. ഡിക്സൺ പി തോമസ്ന്റെ പ്രഭാഷണം ഈ കുടുംബസംഗമത്തിന്റെ പ്രധാന ആകർഷണമാണ്.
Advertisement
3.15 ന് പരിശുദ്ധ സഭയുടെ ആരാധനക്രമത്തെക്കുറിച്ചുള്ള ക്ലാസ്, വിശുദ്ധകുർബ്ബാനക്ക് പ്രത്യേക ഊന്നൽ നൽകിക്കൊണ്ട് ഭദ്രാസന പത്രിയർക്കൽ വികാരി അഭി.ഐസക് മോർ ഒസ്താത്തിയോസ് മെത്രാപ്പോലീത്തയുടെ ക്ലാസ്സ്‌ സഭമക്കൾക്ക് അനുഗ്രഹപ്രദമായിട്ടുള്ള അറിവ് ആയിരിക്കും നൽകുക.
5.45 മുതൽ 10 മണി വരെ ഭദ്രസനത്തിന്റെ കിഴിലുള്ള വിവിധ പള്ളികളുടെ കലാപരിപാടികൾ നടത്തപ്പെടും. ഒക്ടോബർ 1 ന് ഞായറാഴ്ച രാവിലെ 8.30 ന് പ്രഭാത പ്രാത്ഥനയും 9.30 ന് വിശുദ്ധ അഞ്ചിൽമേൽ കുർബ്ബാനയും തുടർന്ന് സമാപന ചടങ്ങുകളും ഉണ്ടായിരിക്കും. ഈ വർഷത്തെ കുടുംബ സമ്മേളനത്തിനു അതിഥേയമരുളുന്നത് സ്റ്റോക്ക് ഒൺ ട്രെൻഡിലെ സൈന്റ്റ്‌ കുര്യാക്കോസ് യാക്കോബായ സുറിയാനി ഓർത്തഡോൿസ്‌ പള്ളി ആണ്.
