ദുബൈ: 4860 ദിർഹം (ഏകദേശം ഒരു ലക്ഷം രൂപ) ശമ്പളത്തോടെ ദുബൈ ഇന്ത്യൻ കോൺസുലേറ്റിൽ ജോലി. ലോക്കൽ ക്ലർക്ക് തസ്തികയിലാണ് ഒഴിവ്. ഇതിനുപുറമെ അലവൻസുകളും ഇൻഷ്വറൻസ് കവറേജും ലഭിക്കും.
അംഗീകൃത സ്ഥാപനത്തിൽ നിന്നുള്ള ബിരുദം, ഇംഗ്ലീഷ്, ഹിന്ദി ഭാഷകളിൽ മറ്റുള്ളവരുമായി മികച്ച ആശയവിനിമയം നടത്തുവാനുള്ള പ്രാവീണ്യം, കമ്പ്യൂട്ടർ വൈദഗ്ദ്യം എന്നിവയാണ് യോഗ്യത. പ്രായപരിധി: 35 വയസ് (2023 ജനുവരി ഒന്ന്). അപേക്ഷിക്കേണ്ട അവസാന തീയതി: ജനുവരി 23 വൈകുന്നേരം 5.00.
താൽപര്യമുള്ള ഉദ്യോഗാർഥികൾ https://form.jotform.com/230111715855450 ലിങ്ക് വഴി അപേക്ഷ സമർപ്പിക്കണമെന്ന് കോൺസുലേറ്റ് അറിയിച്ചു. അതേസമയം നേരിട്ടുള്ള അപേക്ഷകളും ഇ-മെയിൽ അപേക്ഷകളും പരിഗണിക്കില്ല.
